Një ngjarje e rëndë ka tronditur Kosovën mbrëmjen e kaluar (27 Maj) ku një 30-vjeçar është vrarë në mes të rrugës në Ferizaj.
Mediat kosovare bëjnë me dije se viktima është identifikuar si Gazmend Hyseni ndërsa autori i dyshuar është Qëndrim Januzi vëllai i reperit Betim Januzi i njohur me nofkën Buta Buta.
Mediat kanë publikuar dhe videon e momentit të vrasjes së 30-vjeçarit.
Në pamjet shihet se autori i dyshuar pasi e qëllon me armë, rri sipër kokës së të riut, deri sa ky i fundit vdes.
Sipas policisë i dyshuari për vrasjen është plagosur nga zyrtarët policorë pasi me pistoletën e tij iu është kthyer policëve që kanë arritur në vendin e ngjarjes dhe ka refuzuar urdhrat e policisë.
Nga hetimet e para, dyshohet se personi me inicialet Q.J ( M/K) i moshës 30 vjeçar, ka shtënë me armë zjarri në personin tjetër me inicialet G.H (M/K) i moshës 30 vjeçar, i cili si pasojë e plagëve nga arma e zjarrit ka ndërruar jetë në vendin e ngjarjes, kjo e konfirmuar nga mjekët e spitalit të Ferizajt.
I dyshuari me pistoletë në dorë, dyshohet që, në një moment i kthehet zyrtarëve policor dhe njëri zyrtar policor, për ta shmangur rrezikun e drejtpërdrejt ndaj tij, kolegut të tij dhe të tjerëve përreth, e përdor armën e zjarrit zyrtare, me një shkrepje në drejtim të të dyshuarit. I dyshuari, menjëherë dërgohet për ndihmë mjekësore në Qendrën Emergjente në Ferizaj, e më pas për tretman të mëtutjeshëm mjekësor dërgohet në QKUK – Prishtinë dhe sipas mjekëve, gjendja shëndetësore e tij është stabile dhe jashtë rrezikut për jetën, ndërsa policia i ka marrë masat për sigurinë e tij”, thuhet më tej në njoftimin e Policisë.”- thuhet në njoftimin e policisë.