Deputeti demokrat Belind Këlliçi ka bërë deklarata të forta kundër qeverisë këtë mbrëmje për emisionin ‘A Show’ në Syri Tv. Teksa deklaroi se e kënaq nervozizmi i Ballës pasi PD është një opozitë e vërtetë, theksoi se ky i fundit duhet të shqetësohet nga prokurorët belgë që kanë ardhur në Tiranë.
Këlliçi u shpreh se një grup prokurorësh belgë që kanë zbarkuar prej kohësh në Tiranë, do të sjellin surpriza. Sipas Këlliçit do të ketë të dhëna interesante që tregojnë lidhjet e qeverisë me krimin e organizuar dhe trafikun ndërkombëtar të drogës.
“Më knaq nervozizmi i Ballës. Ai të jetë më i shqetësuar për shkak të prokurorëve të huaj belg që kanë ardhur në Tiranë. Kanë zbarkuar prej kohësh, do shohim surpriza dhe të dhëna shumë interesante në vijim, për lidhjet e qeverisë më krimin e organizuar dhe trafikun ndërkombëtar të drogës në Shqipëri dhe Europë. Do shihni të dhëna spektakolare.”-tha Këlliçi.