Tre efektivë policie janë pezulluar nga detyra me urdhër të drejtorit të përgjithshëm Tonin Vocaj.
Ky vendim ka ardhur pas ata janë gjetur mesnatën e datës 25 mars nga “Shqiponjat” në gjendje të dehur, të cilët debatonin me njëri-tjetrin.
Gjithashtu ata kanë kundërshtuar efektivët e “Shqiponjave” gjatë shoqërimit për në komisariat.
Në njoftimin për media bëhet me dije se ndaj tre efektivëve të pezulluar kanë nisur edhe hetimet nga ana e AMP.
Drejtori i Drejtorisë Vendore të Policisë Tiranë, Drejtues i Parë Tonin Vocaj, ka pezulluar nga detyra punonjësit e Policisë:
– Inspektor H. S., me detyrë ndihmësspecialist për Policimin në Komunitet në Komisariatin Nr. 1;
– Inspektor M. S., me detyrë ndihmësspecialist për Hetimin e Krimeve në Komisariatin Nr. 2;
– D. S., me detyrë ndihmësspecialist për Policimin në Komunitet në Komisariatin Nr. 3.
Gjithashtu, Drejtoria e Standardeve Profesionale në Policinë e Shtetit, ka nisur hetimin disiplinor, si dhe është njoftuar dhe AMP pasi:
Më datë 25.03.2023, rreth orës 23:55, në Rrugën Bardhyl, shërbimet e Forcës së Posaçme Shqiponja, kanë konstatuar tre shtetasit e mësipërm në gjendje të dehur, duke debatuar me njëri-tjetrin si dhe gjatë shoqërimit kanë kundërshtuar punonjësit e Policisë.