“Lëvizja Bashkë” protestë para Kuvendit:“Lëvizja Bashkë” protestojnë përpara Kuvendit të Shqipërisë duke kërkuar rritjen e minimumit jetik.
Ata u kanë bërë thirrje qytetarëve që t’i bashkohen protestës, duke theksuar se varfëria në vend është alarmante.
Varfëria është alarmante, dhe shqiptarët nuk presin që deputetët ti rrisin rrogën vetes dhe gjyqtarëve të Kushtetueses”, thanë ata.
Ministria e Drejtësisë ka dërguar ditën e sotme 3 draft-marrëveshje në Ministrinë e Jashtme, drejtuar Emirateve të Bashkuara Arabe.
Në këto draft-marrëveshje, kërkohet dakordësim për ekstradimin e të dënuarve shqiptarë, të cilët janë strehuar në Dubai, duke iu shmangur dënimit për krimet e kryera
Në rast se kjo marrëveshje arrihet, shumë persona me precedent penalë, të cilët gjatë kësaj kohe kanë qëndruar në Dubai, do të ekstradohen drejt vendit tonë për të vuajtur dënimin e caktuar nga Gjykata.
Dubai deri më tani ka qenë “parajsa” e kriminelëve të rrezikshëm shqiptarë, për shkak se nuk mund të ekstradoheshin drejt vendit tonë.
Kreu i grupit Parlamentar të PD-së, Gazment Bardhi është përplasur me nënkryetaren e Kuvendin, Ermonela Felaj.
Felaj: Ka replikë me kryetaren e Kuvendit dhe nuk e konsiderojmë njoftim për ta lexuar
Bardhi: Ju nuk çmoni dot njoftimet e grupit të PD, por t’i lexoni, Nuk ka replikë për çështjet tona të brendshme me kryetaren e Kuvendit nëse e lexoni shkresën, nëse keni guxim, do lexoni vendimin e kreut të grupit parlamentar. Ju nuk munt ë bëni asnjë interpretim mbi këtë vendim, thjesht informoni seancën.
Felaj: Atë që duhet ta thoni ju, nuk e thatë. Nuk mund të akuzoni kryetaren e Kuvendit se ka futur Kuvendin në një situatë të paprecedentë, po e bëni ju me provokime të njëpasnjëshme.Zgjidhni problemet tuaja të brendshme pastaj do mbaj qëndrim për grupet parlamentare.
Lokalizohet dhe pritet arrestimi i 42-vjeçarit që plagosi me armë zjarri efektivin e Policisë, Edlir Alleshi.
Gazetari Igli Çelmeta, raportoi se autori Klered Bozhani ndodhet në Tiranë.Ngjarja ndodhi pranë zonës së Kinostudios në kryeqytet, teksa 42-vjeçari Bozhani qëlloi menjë plumb në bark efektivin e policisë Edlir Alleshi. Efektivi i plagosur i është nënshtruar një ndërhyrje kirurgjikale dhe tani ndodhet jashtë rrezikut për jetën.Njoftimi i policisë:Tiranë/Informacion shtesë
Njoftimi i policisë:Tiranë/Informacion shtesëShërbimet e Forcës së Posaçme “Shqiponja”, shërbimet e Forcës së Posaçme Operacionale, Patrullat e Përgjithshme të mbështetura nga Renea, po vijojnë ndjekjen dhe kontrollin e zonës, për kapjen e personit të armatosur, shtetasit Klerent Bozhanaj, 42 vjeç, që plagosi punonjësin e Policisë, inspektor E. A.Policia e Shtetit kërkon bashkëpunimin e qytetarëve që kushdo që ndeshet të bëjë kujdes pasi ky shtetas është i armatosur, dhe të njoftojnë menjëherë shërbimet e Policisë.DVP Tiranë fton qytetarët që të japin informacion për autorin e kësaj ngjarjeje dhe vendos shpërblim 20000 euro, për çdo informacion të vlefshëm që do të çojë në kapjen e autorit..
Një aksident i rëndë është regjistruar mbrëmjen e sotme në Tiranë.
Mësohet se një automjet ka përplasur një këmbësor në vijat e bardha.
Konkretisht ngjarja ka ndodhur pranë Fakulteti i Inxhinierisë, në zonën e “21 Dhjetorit”.
Nga informacionet paraprake, ende nuk bëhet me dije gjendja e këmbësorit të plagosur.Policia është nisur menjëherë drejt vendngjarjes për të zbardhur rrethanat e plota të aksidentit dhe pritet të hedhë më shumë dritë mbi të.
Të tjera detaje janë zbardhur në lidhje me plagosjen e efektivit të repartit “Shqiponja” në zonën pranë spitalit të Pediatrisë.
Mësohet se efektivi i plagosur është shtetasi me iniciale E.A, ndërsa patrulla ku bënte pjesë polici ishte duke ndjekur një person të dyshimtë, i cili ka qëlluar me armë duke lënë e plagosur efektivin.
“Ndërsa Policia e Shtetit vijon kontrollin për personat në kërkim, një patrullë e repartit “Shqiponja” në ndjekje të një personi të dyshimtë është qëlluar nga ky person dhe për pasojë ka mbetur i plagosur punonjësi i policisë E.A. Punonjësi i Policisë është në sallën e operacionit ndërsa Policia është vënë në ndjekje të autorit”, bën me dije policia.
Ndërkohë, efektivi i plagosur është transportuar në spital, ndërsa policia ka ngritur pika kontrolli me qëllim kapjen e autorit të plagosjes.
Shqipëria e përfaqësuar nga kryeministri Edi Rama po drejton sot mbledhjen e Këshillit të Sigurimit të OKB-së, por gjatë nisjes së procedurës ka pasur një “përplasje” me ambasadorin rus në OKB.Përfaqësuesi i delegacionit rus, Vasily Nebenzya iu drejtua Ramës duke i thënë se në mbledhje luan rolin e kreut të Këshillit të Sigurimit dhe jo atë të kryeministrit shqiptar, ndërsa i kërkoi kreut të qeverisë të përmbahet nga vlerësimet politike.Rama nga ana tjetër, u shpreh se përfaqësuesi i Rusisë po provokonte dhe po fliste për tema që nuk kishin lidhje me takimin.Nebenzya: Ju po veproni si kryetar i Këshillit të Sigurimit, nuk po flisni si përfaqësues i Shqipërisë. Objektivi juaj është të zhvilloni një takim siç sanksionohet në rregullore.
Rama: Sapo ju përgjigja pasi mu drejtuat si kryeministri shqiptar dhe pasi filluar të thonit gjëra të pasakta lidhur me atë çka është procedura këtu. Nëse nuk doni që t’ju përgjigjem në cilësinë e kryeministrit shqiptar, mos më provokoni.Nebenzya: Zoti kryetar ju drejtohem vetëm si kryetar i Këshillit të Sigurimit, asnjëherë si kryeministër, ju lutem përmbahuni nga vlerësimet politike.Rama: Folët për NATO-n, për faktin që Shqipëria është në NATO, për vendet që vijnë këtu, kjo nuk ka të bëjë fare me rolin tim në Këshillin e Sigurimit.
Debati me delegacionin rus, Rama i përgjigjet: Ndaloni luftën dheDelegacioni rus kërkoi llogari për vendimin e Ramës që Volodymyr Zelenskyy të merrte fjalën i pari.Kryeministri Edi Rama i është përgjigjur pyetjeve të delegacionit rus në lidhje me radhën e fjalës në mbledhjen e OKB-së. Delegacioni rus kërkoi llogari për vendimin e Ramës që Volodymyr Zelenskyy të merrte fjalën i pari. Rama theksoi se nëse ata nuk duan që Zelenskyy të flasë, atëhere të ndalojnë luftën në Ukrainë.
Pjesë nga debati:Delegacioni rus: Zoti President, u nxituat të thoni, pra u vendos. Kemi dy pyetje. Së pari, e mbi të gjitha, duam t’iu pyesim, mbi ç’bazë propozoni që t’i jepni presidentit të Ukrainës, Volodymyr Zelensky, fjalës përpara se të flasin anëtarët e Këshillit të Sigurimit, shumica prej të cilëve, përfaqëson po kështu në nivel të krerëve të shteteve dhe qeverive. Pyetja e dytë që sdua të bëj, me ç’bazë ftoni ju ministrin e Jashtëm të Maqedonisë së Veriut, në takimin e sotëm, në cilësinë e kryetarit të OSBE-së.Rama: Mora shënim komentet e bëra nga delegacioni rus dhe në përgjigje do doja të konfirmoja se të gjithë anëtarëve të këshillit u është dëguar lista e personave që do të flaisn në rendin e caktuar. Kjo çështje procedurore do duhej zgjidhur me teknikën para se të çelej debati. Duke patur parasysh temën e debatit sot, ne besojmë se ftesa e Zelenskyt që të flasë është në përputhje me paragrafin 33. Dhënia e fjalës së Zelenskyn i japin mundësi anëtarëve t’u përgjigjen pyetjeve të tij. Ai ka folur në 5 takimet i pari sa herë ka qenë i ftuar. Ky s’është vendim i Presidencës shqiptare por si praktikë e gjatë e KS, në përputhje të plotë me rregulloren. Në lidhje me pyetjen e dytë kam vështirësi ta kuptoj sepse OSBE ka një kontribut të madh dhe gjendemi këtu falë kontributit të saj. Po përfaqësuesi i OSBE është shqiptar, por nëse do ishit i qartë se cili është problemi më thoni.
Prej disa ditësh tashmë u njoftua se sistemi i ri njoftimit të gjobave do të ishte ai përmes celularit. Kryeministri Rama, ka publikuar një video ku ilustrohet se si do të funksionojë kjo procedurë. Në postimin e tij, bashkangjitur videos, kryeministri shkruan se “kjo është tanimë procedura e sistemit të ri të njoftimit të gjobave të Policisë Rrugore në telefon përmes e-Albania.”
Tanimë, përmes sistemit e-gjoba, çdo drejtues mjeti që kryen një shkelje rrugore dhe ndëshkohet nga shërbimi policor do të njoftohet përmes një mesazhi apo emaili, duke patur mundësinë të shlyejë detyrimin në kohë dhe përfitojë nga ulja e masës së gjobës 50 % kur e paguan brenda 15 ditëve.
Postimi i Kryeministrit Rama:“Kjo është procedura e sistemit të ri të njoftimit të gjobave të Policisë Rrugore në telefon përmes e-Albania.”
Në Komisionin e Ekonomisë ka pasur debate mes deputetit socialist Erion Braçe dhe ish-kreut të shoqatës së basteve, Artan Shyti.Teksa po diskutohet për rikthimin e basteve “online”, Braçe i ngre zërin dhe drejtohet nga Shyti duke thënë që bastet për vite me radhë kanë qenë në dorë të krimit.“Ajo që më bën habi është që një pjesë jona dhe atë që ftohet bëjnë sikur nuk dinë se çfarë ka ndodhur me këtë fenomen. Për vite me radhë këtë aktivitet e ka pasur në dorë krimi. Mund të mos pëlqejë se nuk je pjesë e krimit.Nuk duhet të përfaqësosh krimin në komision.Këtë aktivitet e ka pasur në dorë krimi. Ti nuk ke lidhje me krimin, por nuk duhet të përfaqësosh krimin në këtë komision. Ju kam dëgjuar dhe thatë: Po nuk u kthyen kompanitë që ishin kjo gjë do vazhdojë të mbetet informale është perceptuar si shantazh i qartë. Që këtë aktivitet e kishte në dorë krimi, është e vërtetuar në proceset gjyqësore. Me përjashtim të një kompanie, gjithë të tjerët u detyruan të iknin”, tha Braçe.