FRANCE – Kylian Mbappé u ruajt këtë të shtunë në stërvitjen e Bluve, në prag të ndeshjes së fundit përgatitore për “Euro 2024” kundër Kanadasë. Kapiteni i skuadrës franceze vuan nga dhimbjet e shpinës.
Kylian Mbappé nuk ka shkelur në fushën e Matmut-Atlantique këtë të shtunë në mbrëmje për miqësoren mes Francës dhe Kanadasë. Sulmuesi është ruajtur dhe ka kryer një seancë të individualizuar në palestër. Sipas informacioneve, lojtari i Real Madrid ka një problem me shpinën, të cilin e vuan prej 72 orësh para ndeshjes ndaj Luksemburgut.
Dhimbje këmbëngulëse, që stafi mjekësor i bluve e ka trajtuar pothuajse që nga fillimi i grumbulllimit. Asgjë serioze sipas disa burimeve, por asnjë rrezik nuk do të ndërmerret për kapitenin e Francës për ndeshjen e sotme në mbrëmje kundër Kanadasë. Një përditësim i ri do të kryhet të dielën në mëngjes nga stafi. Mbappe që sapo ka nënshkruar me Real Madridin – në fund të kontratës së tij me PSG – ishte titullar dhe kapiten kundër luksemburgasve të mërkurën, duke nënshkruar një gol dhe një asistim. Këtë të shtunë në stërvitje, ishte Olivier Giroud ai që zuri vendin e tretë në treshen sulmuese, duke zëvendësuar numerikisht Mbappé. Ai mund të lidhet me Ousmane Dembélé (i shëruar nga një virus) dhe Marcus Thuram.